Lab chat pe reply nahi aa raha — message dekha ya nahi kaise pata chale?

Lab chat me WhatsApp jaise ticks hote hain, wahi se diagnosis karo:

• ✓ (single, grey) — message bheja gaya, par lab ki taraf abhi tak pahuncha/khula nahi.
• ✓✓ (double, grey) — lab ke app/portal tak deliver ho gaya (lab online aaya tha).
• ✓✓ (NEELA) — lab ne message PADH liya hai.

Phir karo:

1. Neela ✓✓ hai par jawab nahi — lab dekh kar ignore kar raha hai. In-app call lagao (case ke call button se) ya phone karo — bolne par kaam jaldi hota hai.
2. Grey ✓✓ par ruka hai — lab ne app khola par thread nahi. Roz 10 baje wale auto-reminder me bhi aapke pending cases jaate hain, par urgent ho to call hi best hai.
3. Single ✓ par atka hai — lab app/portal khol hi nahi raha (neeche wali entry dekho: single tick ka scene).

Edge case: case-wise thread aur vendor-level (general) thread alag hote hain — lab shayad doosre thread me reply kar raha ho, dono check karo. Aage se roko: lab se tay karo ki roz shaam status chat par hi denge; jo lab chat use nahi karta usko portal link WhatsApp karwao — usme bhi yahi chat dikhti hai, bina login ke.